Ֆլայ (գեյզեր)
![](http://upload.wikimedia.org/wikipedia/commons/thumb/4/41/Fly_geyser.jpg/220px-Fly_geyser.jpg)
![](http://upload.wikimedia.org/wikipedia/commons/thumb/4/4b/Fly_Geyser%2C_near_Gerlach%2C_Nevada.jpg/220px-Fly_Geyser%2C_near_Gerlach%2C_Nevada.jpg)
Ֆլայ (անգլ.՝ Fly Geyser), արհեստական գեյզեր, տեղակայված ԱՄՆ Նևադա նահանգի հյուսիս-արևմուտքում[1]։ Գեյզերը գտնվում է ծովի մակարդակից 1230 մ բարձրության վրա, տեղանքում տարեկան տեղումների քանակը կազմում է ընդամենը 300 մմ։ Գեյզերի բարձրությունը մոտ 1,5 մ է[2]։
Գիտական տեսանկյունից համարվում է ոչ թե գեյզեր, այլ մշտապես գործող ջերմային աղբյուր։
Պատմություն[խմբագրել | խմբագրել կոդը]
Գեյզերը հայտնվել է «Fly» ռանչոյի տարածքում, մարդու միջամտության շնորհիվ։ 1916 թվականին այս տեղերում ջրհորի համար հորատանցք բացելիս անձնակազմը պատահաբար դիպչում է գեոթերմինալ գրպանին[2]։ Եվ միայն 1964 թվականին է եռացող ջուրն սկսում դուրս գալ մակերևույթ, ջրում լուծվող հանքանյութերից ստեղծելով արտասովոր բնապատկեր։
Նկարագրություն[խմբագրել | խմբագրել կոդը]
Գեյզերի պատերն այժմ էլ շարունակում են աճել։ Վերջին տվյալներով, բարձրությունը գրեթե 1,5 մետր է։ Գեյզերից մշտապես դուրս է մղվում ջրի երեք շիթ։ Հանքանյութերի (կալցիումի կարբոնատ), ջրիմուռների և ցիանոբակտերիաների հաշվին ձեռք է բերել ներկայիս գունավորումը։
Գեյզերը շատ է փոխել շրջակա տարածքը։
Հողատարածքը, որտեղ տեղակայված է գեյզերը, մասնավոր է։ Սեփականատերերը դեռևս չեն համաձայնում վաճառել այն։ Տեսարժանությունը շրջապատված է բարձր դարպասներով, այդ պատճառով այնտեղ հայտնվել ցանկացող զբոսաշրջիկներն այցելության համար ռանչոյի տերերից պետք է նախապես թույլտվություն հարցնեն[3]։
Նևադայում բացի Ֆլայից կան չափերով նրան մոտ ևս երկու գեյզեր[3]։ Նրանք ունեն մոտ մեկ մետր բարձրություն և տարբերվում են ավելի քիչ տարօրինակ տեսքով և կոնաձևությամբ։
Ծանոթագրություններ[խմբագրել | խմբագրել կոդը]
- ↑ 40°51′34″ հս․ լ. 119°19′55″ ամ. ե.HGЯO
- ↑ 2,0 2,1 Fly Geyser Արխիվացված 2010-06-20 Wayback Machine(անգլ.)
- ↑ 3,0 3,1 Ֆլայ գեյզեր Արխիվացված 2013-01-23 Wayback Machine nat-geo.ru(ռուս.)
Արտաքին հղումներ[խմբագրել | խմբագրել կոդը]
Մեդիաֆայլեր Ֆլայ գեյզեր թեմայով Վիքիպահեստում:
- Լուսանկարներ(ռուս.)